endirimler.az

Müasir şəraitdə biznesin qurulması məsələsində əməkdaşların peşəkarlığı şirkətin gələcək inkişafında müəyyənedici rol oynayır. Şirkət rəhbərləri bunu daha çox dərk edir və öz personalının təhsil səviyyəsinin artırılmasına maliyyə vəsaiti yatırmağa başlayır. Biznes məşğələləri şirkət qarşısında dayanan konkret məsələlərin həll edilməsi üçün işlənib hazırlanır. Məşğələlərin yönəldiyi məsələlər, kursu bitirdikdə iştirakçıların nə kimi bilik, bacarıq və təcrübə mənimsəməli olmasına əsasən ifadə olunur.

Biznes məşğələləri kiçik mühazirə, xüsusi tapşırıqlar vasitəsilə vərdişlərin işlənilməsi, müvafiq işgüzar təcrübənin alınması və ya inkişaf etdirilməsinə yönəlmiş müxtəlif rol və işgüzar oyunlarından ibarət ola bilər. Biznes məşğələsinin digər təlim formalarından fərqi ondan ibarətdir ki, məşğələdə iştirak edən şirkət əməkdaşları, sadəcə, passiv dinləyicilər deyil, təlim prosesinin fəal iştirakçılarıdır.

Bir neçə tipli biznes məşğələləri mövcuddur. Bunlar menecment, personalın idarə olunması və komandanın yaradılması, satışların təşkili və müştərilərlə aparılan iş, marketinq və reklam, maliyyə və logistikadan ibarətdir.

Bölgədə keçirilən məşğələlərin strukturuna görə, satışlar üzrə təlim lider mövqeyinə malikdir, onun ardınca, populyarlığına görə, menecer təcrübəsi, komanda yaradılması üzrə məşğələlər və ixtisaslaşdırılmış kurslar yer alır. Bununla belə, tələbatın strukturu getdikcə daha da mürəkkəbləşir: ərzaq xətti genişlənir, təlimlərə yeni personal qrupları cəlb olunur. Orta manqaya aid menecerlərin və şöbə rəhbərlərinin təlim alması biznes məşğələlərinin daha sürətli inkişaf edən istiqamətlərindən biridir.

Azərbaycanda məşğələ və seminarların təşkili ilə bir neçə şirkət məşğul olur. Bu gün bazar hər zövqə uyğun məşğələ və seminarlar təklif edir. Hazırda Azərbaycanda mövcud olan ən iri şirkətləri və onların təqdim etdiyi biznes məşğələləri üzrə qiymətləri nəzərdən keçirək.

GRBS® (G&R Business Services, LLC) menecment sahəsində hazırlıq və ixtisaslaşdırma üzrə əsas bölgə liderlərindən biridir. Şirkət məşğələ sahəsi üzrə xidmətlərin göstərilməsi, beynəlxalq imtahanlara və ixtisaslara hazırlıq, psixoloji dəstək və personalın idarə olunması, iş yerlərinin attestasiyası üzrə profillənir. Korporativ məşğələlərlə yanaşı, şirkət hər ay insan ehtiyatları, mühasibat və maliyyə, səhiyyə, təhlükəsizlik, ekologiya, marketinq və PR, neft və qaz, maddi-texniki təminat, satışlar və s. kimi müxtəlif sahələr üzrə 15-19 açıq məşğələ keçirir. Şirkətin fəaliyyəti ərzində burada 180-dan çox yerli və xarici şirkətin onlarla işçisi təlim keçmişdir.

Professional Services Company (PSC) agentliyi açıq və korporativ formatlarda qısa müddətli biznes təliminin keçirilməsini təklif edir. Məşğələlər həm yerli, həm də aparıcı xarici biznes məşqçiləri tərəfindən keçirilir.

Kursda korporativ şəkildə iştirak etmək üçün endirimlər təqdim olunur: iki iştirakçıya - 2%, üç iştirakçıya – 5%, dörd iştirakçıya – 7%, beş və daha çox iştirakçıya - 10%.

Allianz Group şirkəti 2006-cı ildə biznes məşğələləri sahəsində yüksək keyfiyyətli xidmətlərin, psixoloji dəstək və personalın idarə edilməsi üzrə tam həcmli xidmətlərin, maliyyə konsaltinqinin təqdim olunması məqsədilə yaradılmışdır. Bu şirkət personalın qiymətləndirilməsi sahəsində tanınmış lider və dünyanın 100-dən çox ölkəsində nümayəndəlikləri olan Profiles International şirkətinin strateji biznes tərəfdaşıdır.

Məqalədə yuxarıda göstərilən şirkətlərin rəsmi mənbələrində verilən məlumatlardan istifadə olunmuşdur.
Xüsusilə www.endirimler.az üçün Zarema Hüseynovanın müstəqil icmalı.
18.01.10